Abrodd – Artemisia abrotanum
Norsk: abrodd
Dansk: ambra, lugteurt
Svensk: åbrodd
Asteraceae (Compositae), korgplantefamilien, fleirårig.
Gammal klosterplante.
Brukte plantedeler: alt som veks oppå jorda.
Eigenskapar og bruk etter tradisjonen
Appetittvekkjande og matmeltingsfremjande, kunne skræma orm – både den indvendige plagsomme og den på Marken sig bugtende. Galledrivande og menstruasjonsaukande, er truleg abortframkallande.
Antiseptisk, betennelsesdempande og desinfiserande. Kunne driva ut fliser, dempa opphovning og varma forfrosne område. Skulle stimulera både hår- og skjeggvekst.
Abrodd vart rekna som eit vern mot det meste av vonde krefter, også mot dårleg og farleg luft. “Luftsmitte” vart hindra med abroddbukettar framfor nase og munn. Svært effektivt middel mot møll og fluger, ofte nytta til do-bukettar.
Elles brukt både ved parfyme- og brennevinsproduksjon.
Overlege Danielssen nemner i 1847 abrodd som mildt sveittedrivande i samband med leprabehandling.
